Izarraizko Atea parkea, Azpeitiako herria Izarraizko mendiarekin lotzen duen gunea da. Azpeitiarrentzako lasaitasun gunea da, belardi eta zuhaitzez aparte, ur elementua ere barneratzen baitu. Parkearen erdialdean ur zorrotadekin hornitutako gune bat dugu. Hortik behera harri, landare eta hondarrez inguratutako urmaela dugu.

Parkea egiterako orduan, bertan eskura genituen errekurtsoak erabili ditugu. Urmaela Izarraiztik jaisten den errekatxoaren ura aprobetxatuz egin baita eta inguruan dauden lur tontorrak urmaela egiteko ateratako lurrarekin egin baitira.