Bonsaiak zaintzen eta kimatzen ikasteko tailerra!

Euskara

Bonsaien artea atsegin baduzu, ez ezazu galdu abenduaren 17ko hitzordua. Tailer praktikoa izango dugu Kimu Bat Garden-en, hiru ordukoa, bonsaiak zaintzen eta kimatzen ikasteko. Parte-hartzaile bakoitzak bonsai batekin lan egingo du eta, ondoren, nahi izanez gero, zuhaixkak eskuratu ahal izango dituzte %10eko deskontuarekin. Anima zaitezte parte hartzera!

Eguna: Abenduak 17

Ordua: 10:00-13:00 

Gipuzkoako Merkataritza Enpresa 2016 - Gipuzkoako Bazkundea

Urolako merkataritza-bulegoek eta Gipuzkoako Bazkundeak Kimu Bat saritu dute

Euskara
Kimu Bat saritua izan zen, Gipuzkoako beste hamar enpresarekin batera, XXIV. Gipuzkoako Merkataritza Enpresaren sari-banaketan, bart gauean, azaroak 25, Gipuzkoako Bazkundean. Gipuzkoar erakundeak elkarlanean jardun du Eusko Jaurlaritzako merkataritza-bulego teknikoekin sariak lurralde osoan hedatzeko. Horretarako, golardo “parte-hartzaile eta esanguratsuagoak” sortu dituzte: ’10 bitxiak’. Duela 25 urte jaiotako Kimu Bat lan-sozietateak sari horietako bat eskuratu du, probintziako merkataritza-bulegoek aukeratutako beste bederatzi erakunderekin batera, eskualde bakoitzeko bana. Enpresa horiek guztiak balio azpimarragarriak transmititzen dituztelako eta ospea dutelako saritu dituztela jakinarazi dute.
Haurren gabonetako tailerra - Kimu Bat

Gabonetako eskulanak egiteko tailerra haurrentzat

Euskara
Etxeko txikientzako jarduera dibertigarri eta kreatiboa proposatzen dizuegu. Abenduaren 3an, larunbata, doako eskulan tailerra egingo dugu Kimu Bat Garden-en, 11:etatik 12:30era, Gabonetako apaingarriak sortzeko. Paperezko figuratxoak, panpinak eta abar landuko ditugu.
 
Gonbidatuak zaudete parte hartzera! DOAN da!
 
Izena ematea beharrezkoa da: kimubat@kimubat.com // 943 150 085

HITZALDIA: Ilargiaren eragina baratzean eta bizitzan

Euskara

Pello Zabala meteorologo ospetsuak hitzaldia eskainiko du azaroaren 15ean Azpeitian, ilargiak gure baserrietan eta bizitzan duen eragina azaltzeko. Kutxa Ekoguneko baratze-parke sareak aurkeztutako ekimenaren antolakuntzan aritu gara Kimu Bateko kideak, eta Azpeitiko Udala izan dugu laguntzaile. Topaketa 19:00etan izango da, Azpeitiko sindikatu zaharrean.

Hitzaldian parte hartzera gonbidatuak zaudete guztiak!

Kimu Bat - mermelada egiten ikasteko tailerra

Mermelada goxoak egiten ikasi nahi?

Euskara

Zatoz urriaren 22an Kimu Bat Gardenera, eta mermelada goxo-goxoak egiten ikasi. Hiru orduko tailer berezia izango dugu, eta bertan egindakoa etxera eramateko aukera izango duzu. 

  • Data: Urriak 22
  • Ordutegia: 10:00-13:00
  • Lekua: Kimu Bat garden. Urrestila bidea z/g. AZPEITIA
  • Izen-ematea: Beharrezkoa da aldez aurretik izena ematea kimubat@kimubat.com helbidera idatziz edo 943 15 00 85 telefonora dei eginez.

Uztailerako prestakuntza eskaintza interesgarria!

Euskara

Bi ikastaro interesgarri antolatu ditugu uztailerako, ureztaketaren oinarrizko gakoak ezagutzeko eta ortu nahiz lorategi ekologikoa sortzen eta mantentzen ikasteko. Ekimen biak doakoak dira eta interesa duen edonor parte hartzera gonbidatua dago.

Udaberrian, lora zaitez!

Euskara
Kimu Bat lorezaintza-zentroan zure lorategi edo terrazarako behar duzun guztia daukagu: altzariak, osagarriak, erremintak, landareak, ongarriak... eta abar luze bat.  Gainera, ekainaren 22ra arte, zozketa ederretan parte har dezakezu. Erosketa bakoitzarekin ekimenean parte hartzeko txartela jasoko duzu. Horrela, Kimu Bat zenbat eta gehiago bisitatu, orduan eta aukera gehiago izango duzu saria eskuratzeko ;)

Orriak